Karta pobytu – ეს არის პოლონეთის ტერიტორიაზე ლეგალური ყოფნის ერთ-ერთი მთავარი დოკუმენტი უცხო ქვეყნის მოქალაქეებისთვის. ის იძლევა საშუალებას არამარტო დარჩე ქვეყანაში განსაზღვრული ვადით, არამედ ლეგალურად იმუშაო, გაემგზავრო შენგენის ზონის ქვეყნებში და ისარგებლო რიგი სოციალური სერვისებით.მოდით, ნაბიჯ-ნაბიჯ გავაანალიზოთ, რა არის კარტა პობიტუ, რა ტიპები არსებობს და როგორ უნდა მივიღოთ ის.
1. რა არის კარტა პობიტუ (Karta pobytu)?
კარტა პობიტუ არის ბარათის ფორმის ოფიციალური დოკუმენტი, რომელიც ადასტურებს, რომ უცხო ქვეყნის მოქალაქე ლეგალურად იმყოფება პოლონეთის ტერიტორიაზე. იგი გაიცემა შემდეგი ტიპის ბინადრობის ნებართვის საფუძველზე:
• Zezwolenie na pobyt czasowy – დროებითი ბინადრობა (მაქს. 3 წლით);
• Zezwolenie na pobyt stały – მუდმივი ბინადრობა;
• Zezwolenie na pobyt rezydenta długoterminowego UE – ევროკავშირის გრძელვადიანი რეზიდენტის სტატუსი.
2. ვის შეუძლია განაცხადის შეტანა?
კარტა პობიტუს მიღება შეუძლიათ ყველა იმ უცხოელს, ვინც:
• სწავლობს პოლონეთში;
• მუშაობს ოფიციალურად (Umowa o pracę ან Umowa zlecenie);
• არის პოლონეთის მოქალაქის მეუღლე;
• აქვს ბიზნესი პოლონეთში;
•საჭიროებს ჰუმანიტარული დაცვას ან სხვა მიზეზით უნდა დარჩეს ქვეყანაში.
3. საჭირო დოკუმენტები – Pobyt czasowy (დროებითი ბინადრობა)
დოკუმენტების სია შესაძლოა განსხვავდებოდეს თქვენი სტატუსის მიხედვით (მუშაობა, სწავლა, ქორწინება), მაგრამ ძირითადად საჭიროია:
1. wniosek o udzielenie zezwolenia na pobyt czasowy – განაცხადის ფორმა;
2. 4 ცალი ფოტო – ბიომეტრიული, 35×45 მმ;
3. პასპორტის ყველა გვერდის ასლები;
4. დამსაქმებლის მიერ გაცემული ოფიციალური წერილი (დასაქმების შემთხვევაში);
5. დამსაქმებლის განაცხადი – Informacja starosty (გადასახადით)
6. უმუშევრობის ბაზრის ანალიზი (jeśli wymagane);
7. შემოსავლის დოკუმენტი – ხელფასის ცნობა, კონტრაქტი (Umowa), PIT;
8. საცხოვრებლის დადასტურება – ბინის ხელშეკრულება ან მისამართის მფლობელის წერილი;
9. ჯანმრთელობის დაზღვევა – NFZ ან კერძო დაზღვევა;
10. ფოსტის ქვითარი ან გადახდის ბლანკი – 440 ზლოტი დროებითი ბინადრობისთვის.
4. როგორ ხდება პროცესი? – ეტაპობრივად
➤ ნაბიჯი 1: განაცხადის მომზადება:
შეაგროვე ყველა დოკუმენტი და შეავსე ფორმა. ფორმა ხელმისაწვდომია ვოევოდას (Urząd Wojewódzki) ვებგვერდზე.
➤ ნაბიჯი 2: ვიზიტის დაჯავშნა (Rezerwacja terminu):
მოიძიე ვოევოდის შესაბამისი საიტი (მაგ. Dolnośląski Urząd Wojewódzki – ვროცლავი) და დაჯავშნე ვიზიტი.
➤ ნაბიჯი 3: დოკუმენტების წარდგენა:
წარადგინე დოკუმენტები Urząd Wojewódzki -ში, გადაიღე ბიომეტრიული ფოტოები ადგილზე და მიიღე დამადასტურებელი ქვითარი – stempel, რომელიც საშუალებას გაძლევს დარჩე ქვეყანაში ლეგალურად, გადაწყვეტილების მიღებამდე.
➤ ნაბიჯი 4: საქმის განხილვა (Postępowanie administracyjne):
ეს ეტაპი ზოგჯერ დიდხანს გრძელდება – რამდენიმე თვიდან 1 წლამდე. შესაძლებელია დამატებითი დოკუმენტების მოთხოვნა.
➤ ნაბიჯი 5: გადაწყვეტილება და კარტის გაცემა:
დადებითი გადაწყვეტილების შემთხვევაში გადაიხდით 100 ზლოტს ბარათის ბეჭდვისთვის. ბარათი შეგიძლიათ მიიღოთ პირადად.
5. მნიშვნელოვანი ტერმინები და მათი მნიშვნელობა:
• Wniosek – განაცხადი;
• Zezwolenie na pobyt czasowy – დროებითი ბინადრობის ნებართვა;
• Urząd Wojewódzki – ვოევოდას ოფისი;
• Stempel w paszporcie – შტამპი, რომელიც გაძლევს დარჩენის უფლებას;
• Informacja starosty – ადგილობრივი შრომის ბაზრის ანალიზი;
• Umowa o pracę / zlecenie – შრომითი ხელშეკრულება;
• NFZ – პოლონეთის ეროვნული ჯანდაცვის ფონდი;
• Decyzja – ადმინისტრაციული გადაწყვეტილება;
• Karta pobytu ważna do – კარტის მოქმედების ვადა.
6. რჩევები წარმატებული განაცხადისთვის:
. ყოველთვის შეამოწმე ბოლო ვერსია დოკუმენტების სიიდან ვოევოდობის ვებსაიტზე;. მოამზადე ყველა დოკუმენტი ორ ეგზემპლარად;. ნუ დაიგვიანებ ვიზიტზე – ვოევოდაში პუნქტუალურობა ფასობს;. თუ საქმე გაიწელა, შეგიძლია გააგზავნო წერილობითი მოთხოვნა საქმის სტატუსზე
. გამოიყენე დახმარება – ე.წ. pełnomocnik, ანუ მინდობილ პირი, რომელიც დაგეხმარება პროცედურებში.
7. რამდენი ხანია ძალაშია კარტა პობიტუ?
• დროებითი კარტა (czasowy) – მაქსიმუმ 3 წლით;
• მუდმივი კარტა (stały) – უვადოდ, მაგრამ ბარათი იცვლება ყოველ 10 წელიწადში;
• გრძელვადიანი რეზიდენტი (UE) – ქვეყანაში ცხოვრებიდან 5 წლის შემდეგ შესაძლებელია მოთხოვნა.
ასევე იხილეთ: გზამკვლევი – როგორ აიღოს უცხოელმა PESEL პოლონეთში
კარტა პობიტუ პოლონეთში უცხოელისთვის ფაქტობრივად „ოქროს გასაღებია“ – იძლევა მუშაობის, სწავლების, გადაადგილებისა და სტაბილური ცხოვრების შესაძლებლობას. თუმცა მისი მიღების პროცესი მოითხოვს ყურადღებას, სიზუსტეს და ხშირად მოთმინებასაც. რაც უფრო მომზადებული შეხვდები ამ პროცესს, მით უფრო წარმატებული იქნება შედეგი.
ავტორი: ნათია ქიმაძე
კომენტარის დატოვება