პოლონეთში ჩასვლისას ერთ-ერთი ყველაზე მნიშვნელოვანი ამოცანაა საცხოვრებლის პოვნა. ამ პროცესს თან ახლავს როგორც ლოგისტიკური, ისე იურიდიული და ფინანსური დეტალები. ამ ნაწილში დეტალურად განვიხილავთ: სად და როგორ ვიპოვოთ დროებითი ბინა,როგორ გადავიდეთ გრძელვადიან ქირავნობაში,რა არის გასათვალისწინებელი საკითხები,რა საბუთები შეიძლება დაგჭირდეს.
დროებითი საცხოვრებლის მოძიება: პირველი ნაბიჯები პირველ დღეებში
ყველაზე უსაფრთხოა დროებითი ბინის დაქირავება, განსაკუთრებით მაშინ, თუ არ გყავს ახლობელი, რომელიც მიგიღებს.
საიდან მოვძებნოთ საშუალო ღირებულების ჰოსტელები?
Booking.com, Hostelworld,airbnb.pl – თუ ჩამოსვლამდე გინდა დაჯავშნა, უმჯობესია მითითებული აპლიკაციებით ისარგებლო – უსაფრთხოა და შეგიძლია წინასწარ დაჯავშნო რამდენიმე დღით.
ჰოსტელის საშუალო ღირებულება 40–80 zł/ღამეში.
რჩევა: არასდროს დათანხმდე გარე გარიგებას – Airbnb-ის ან Booking-ის გარეთ.
გრძელვადიანი ბინის ან ოთახის ქირაობა პოლონეთში
გრძელვადიანი ბინის დაქირავება ყველაზე აქტუალურია იმ ემიგრანტებისთვის, ვინც მინიმუმ რამდენიმე თვით რჩება. პლატფორმები, სადაც ქირა იძებნება:
• www.olx.pl – ყველაზე პოპულარული და ფართო ბაზარი;
• www.otodom.pl -სპეციალიზებული უძრავი ქონების საიტი ;
• www.gratka.pl
Facebook ჯგუფები – მაგალითად:
• mieszkań Wrocław;
• Tanie mieszkania w Polsce.
ბინის ქირაობის პროცესი: დაუკავშირდი მეპატრონეს ან აგენტს პოლონურად: Dzień dobry, jestem zainteresowana wynajmem mieszkania. Czy ogłoszenie jest nadal aktualne?
აგრეთვე იხილეთ: პოლონური ენის შესწავლა: ადაპტაცია, უფასო და ფასიანი კურსები – ყოველდღიური პრაქტიკა
არ გადაიხადო თანხა მანამდე, სანამ არ ნახავ ბინას.
ხელშეკრულება – Umowa najmu აუცილებელია იყოს დაწერილი და ითვალისწინებდეს: ქირის ოდენობას, სადეპოზიტო თანხას (kaucja), ხანგრძლივობას, წესებსა და პირობებს, რეგისტრაციას (meldunek) – საჭიროებს ზოგიერთ რეგიონში და საჭირო იქნება რეზიდენტობის ან ვიზის გაგრძელებისთვის.
ქირა მნიშვნელოვნად განსხვავდება ქალაქის, უბნის და ბინის ტიპის მიხედვით.
მაგალითად: იოთახი (pokój),სტუდიო (kawalerka) ან 2-ოთახიანი ბინა (mieszkania)
• ვარშავაში – 1200 –1800; 2000–2500; 2800–4000 zł;
• ვროცლავი – 1000–1500; 1800–2200; 2500–3500 zł;
• კრაკოვი – 1100–1600 ; 1900–2300; 2600–3600 zł;
• პატარა ქალაქები – 800–1300 zł1500–2000 zł2000–3000 zł .
კომუნალური ხარჯები (czynsz + media) ხშირად დამატებით იხდება: წყალი, გათბობა, გაზი, ინტერნეტი.
რისკები და სიფრთხილის ზომები
არასოდეს გადაიხადო ქირა ან დეპოზიტი წინასწარ, სანამ ბინა არ გინახავს და კონტრაქტი არ გაფორმებულა,მოითხოვე პირადობის მოწმობის ჩვენება მეპატრონისგან, გადახდები გააკეთე მხოლოდ საბანკო გზით (არასოდეს ნაღდი ფულით) ბინა/ოთახი უნდა იყოს დარეგისტრირებული – რაც დაგჭირდება meldunek-ისთვის.
საჭიროა თუ არა კონტრაქტი? დიახ, აუცილებელია.
ხელშეკრულების გარეშე ვერ შეძლებ: მელდუნის (რეგისტრაციის) მიღებას, ბინაში დარჩენას ლეგალურად, პრობლემის შემთხვევაში სამართლებრივ დაცვას.
მოითხოვე: Umowa najmu (ქირავნობის კონტრაქტი) საჭიროების შემთხვევაში მეპატრონის პირადობის მოწმობის ასლი, მელდუნისთვის თანხმობა (oświadczenie właściciela mieszkania).
დამატებითი რჩევები: ბინის ძებნისას გამოიყენე სიტყვები:
– pokój do wynajęcia (ოთახი ქირით);
– mieszkanie do wynajęcia (ბინა ქირით);
– czynsz w cenie?– ქირაში შედის კომუნალური ხარჯები?
– bez pośredników – პირდაპირი მეპატრონე, შუამავლების გარეშე.
გირჩევ დილაობით დაუკავშირდე ბინების მეპატრონეს – მოთხოვნა მაღალია.
პოლონეთში საცხოვრებლის პოვნა შესაძლებელია როგორც მოკლევადიანად, ისე გრძელვადიანად. მთავარი ფაქტორია დროის სწორი დაგეგმვა, ინფორმირებულობა და იურიდიული ფორმალობების დაცვა. ყოველთვის იმოქმედე დაკვირვებით – საცხოვრებელი არა მხოლოდ შენს კომფორტს, არამედ ლეგალურ ყოფნასაც განსაზღვრავს.
ავტორი: ნათია ქიმაძე
კომენტარის დატოვება